Öræfaball
Öræfa – sveita,,barna“ball verður
í Skaftfellingabúð, Laugavegi 178, 4. hæð (Bolholts- megin)
Ákveðið hefur verið að laugardaginn 6. nóvember verði „ball í fundarhúsinu“, svipað og haldið var í nóvember í fyrra. Það verður í Skaftfellingabúð, húsnæði Skaftfellingafélagsins í Reykjavík á Laugavegi 178, 4. hæð. Húsið verður opnað kl. 20.
Í fyrra söfnuðust mörg nöfn og heimilisföng fólks var í sveit í Öræfum eða ólst þar upp. Allir á þeim lista fá þetta bréf sent, ásamt heimafólki í Öræfum. Ekki er víst að öll nöfn hafi fundist og er enn beðið um að þið látið þau sumardvalarbörn vita sem þið munið eftir og getið haft samband við með góðu móti.
Hugmyndin er að „börn“ sem hafa verið í sveit í Öræfum og sem flestir Öræfingar, heima og að heiman, hittist og njóti samvista. Makar eru einnig velkomnir. Dagskráin verður í anda liðinnar tíðar og sem mest í ykkar eigin höndum. Sýndar verða myndir úr sveitinni, sagðar stuttar sögur, spjallað saman og sungið. Hljómsveitin Eygló úr Öræfum leikur fyrir dansi eða harmóníkuspilarar úr sveitinni góðu.
Nefndina langar að vita um þátttöku sem fyrst, helst fyrir mánaðamótin september/október. Húsnæðið er takmarkað og því er vissara að panta tímanlega. Vinsamlegast tilkynnið þátttöku til Gunnþóru, Ingu, Jónínu, Péturs eða Sollu, með tölvupósti eða símtali.
Einnig er gott að fá uppgefið ef einhver býðst til að segja stuttar reynslusögur í bundnu eða óbundnu máli, eða spila og syngja (flygill, harmonikkur og gítar verða á staðnum).
Boðið verður upp á kaffi, kleinur og flatkökur. Öl og vín verður selt á hóflegu verði. Miðaverð er kr. 1.500.
Kærar kveðjur,
Gunnþóra Gunnarsdóttir frá Austur-Hjáleigu, Hnappavöllum. 892 541
