Í kvöldspjalli 23. febrúar mun Ari Trausti Guðmundsson
rithöfundur og jarðvísindamaður fjalla um eldvirk svæði í Skaftafellssýslum og
gossöguna frá landnámi, ásamt því að leggja mat á náttúruvá á þessu víðlenda
landsvæði.
Fyrirlesturinn verður 23. febrúar 2012 kl. 20:00 í Skaftfellingabúð, Laugavegi 178.
Aðgangur ókeypis. Seldar verða léttar veitingar í hléi.
Svo minnum við á fjórða spilakvöldið sem verður haldið 1. mars á sama stað og tíma og vanter.
Written on .
Myndir
Loksins eru myndir frá atburðum síðastliðinn vetur og sumar komnar inn.
Fólki er bent á að það getur sett inn athugasemdir við myndir undir "Comments"
Skaftfellingafélagið og Söngfélagið standa fyrir aðventustund
sunnudaginn 4. desember 2010
kl. 15:00 í Skaftfellingabúð, Laugavegi 178.
Söngfélagið syngur nokkur jólalög, bornar verða fram kaffiveitingar og gengið í kringum jólatré. Síðan er von á jólasveinum á svæðið og munu þeir segja og syngja nokkur orð og lög.
Aðgangseyrir kr. 1000 fyrir 16 ára og eldri.
Written on .
Fýlafrétt 2011
Nóg var af bragðgóðum og vel verkuðum fýl
og Hermann Árnason fór á kostum með gamanmálum.
Fýlaveislur Skaftfellingafélagsins hafa átt
vinsældum að fagna til margra ára og hafa fest sig í sessi hjá Skaftfellingum í
vetrarbyrjun. Aðsókn var góð og mikil gleði einkenndi samkomuna. Eins og
undanfarin ár var fýllinn verkaður af hjónunum í Prestshúsum og dýrindis rófur
frá Þórisholti eru ómissandi meðlæti. Inga Jóna Sigfúsdóttir sá um allan
undirbúning og eldamennsku af mikilli alúð og Rósa frá Eyjarhólum var henni til
halds og trausts eins og undanfarin ár. Hermann Árnason var sögumaður á
hátíðinni að þessu sinni og sagði endalausar gamansögur sem var gerður
sérstaklega góður rómur af, og salurinn hreinlega veltist um af hlátri.
Þórunn og Bergljót stóðu barvaktina með
sóma. Hljómsveitin Granít kom frá Vík með tilstyrk nokkurra félaga úr
Tónabræðrum og héldu þeir uppi fínni dansmúsík fram á nótt og dansinn dunaði
bæði undir gömlu góðu lögunum og ýmsum vinsælum slögurum frá seinni tíð.
Myndir frá veislunni koma bráðlega inn á myndasafnið.
Written on .
Myndakvöld - 17. nóv. 2011
Fimmtudagskvöldið 17. nóvember kl. 20 í Skaftfellingabúð. Fyrst mun Jón Viðar Sigurðsson jarðfræðingur fjalla um mikla skriðu eða berghlaup sem féll á Morsár-jökul árið 2007.
Jón fór á vettvang í maí 2007 til að rannsaka og mæla skriðuhlaupið og hefur síðan fylgst reglulega með ferðalagi og þróun skriðunnar sem hvílir á jöklinum. Skriðan er áhugavert fyrirbæri sem skemmtilegt er að skoða enda er um-hverfi Morsárjökuls stórfenglegt.
Síðan verða sýndar myndir úr Skaftár-tungu, aðallega frá Árna í Hrífunesi, bæði ljósmyndir og kvikmyndir. Vigfús Gunnar Gíslason frá Flögu mun kynna myndirnar og jafnvel verða með nýrri myndir frá sama svæði. Aðgangur ókeypis.
Svo er búið að ákveða að hafa 4 og síðasta spilakvöldið 24. nóv.