Fréttir

Written on 05. júlí 2012.

Sumarskálm

Fimmtudaginn 5. júlí 2012 hófst árlegt sumarskálm sem að þessu sinni var um "Náttúruperlur V-Skaftafellssýslu".

Gengið var á fjórum dögum frá Hrífunesi upp með Hólmsá allt inn til Strútslaugar og gist í tjöldum. Ferðin var á vegum Ferðafélags Íslands og var vænst þátttöku rúmlega fjörutíu manns, þar af um helmingur Skálmarhóps.

Fararstjórar og leiðsögumenn voru Vigfús Gunnar Gíslason, Þóra Ellen Þórhallsdóttir og Gísli Már Gíslason. Nánari lýsingu ferðarinnar má finna á vef Ferðafélagsins (ferð "S11"), fi.is

Bestu kveðjur frá þreyttum göngugörpum.

Written on 03. maí 2012.

Einstök náttúra Eldsveitanna

Landvernd og Eldvötn - samtök um náttúruvernd í Skaftárhreppi

efna til málþings um áhrif virkjana í Skaftárhreppi.

Um tvær virkjanahugmyndir við Fjallabakssvæðið er að ræða;

Búlandsvirkjun í Skaftártungu (í Skaftá og Tungufljóti) og Atleyjarvirkjun

austan Mýrdalsjökuls (í Hólmsá).

Norræna húsinu, Reykjavík, laugardaginn 5. maí, kl. 12-15

Dagskrá

12:00 Setning málþings: Ólafía Jakobsdóttir, formaður Eldvatna

12:10 Jarðfræði og lífríki Skaftárhrepps: Haukur Jóhannesson, jarðfræðingur og Snorri Baldursson, þjóðgarðsvörður

12:40 Mat faghóps I í rammaáætlun á áhrifum virkjana í Skaftárhreppi: Þóra Ellen Þórhallsdóttir, prófessor

13:00 Myndir og fróðleikur af fyrirhugaðri virkjanaslóð í Skaftártungu: Vigfús Gunnar Gíslason, framkvæmdastjóri, frá Flögu

13:20 Kaffi

13:40 Landbúnaður og virkjanir: Heiða Guðný Ásgeirsdóttir, bóndi, Ljótarstöðum

14:00 Landslag, fegurð og fólk: Guðbjörg Jóhannesdóttir, doktorsnemi

14:20 Umræður

14:50 Samantekt og slit málþings

Fundarstjóri: Guðmundur Ingi Guðbrandsson, framkvæmdastjóri Landverndar

Written on 02. maí 2012.

Vortónleikar Söngfélags Skaftfellinga

Söngfélag Skaftfellinga heldur tónleika í Seltjarnarneskirkju laugardaginn 5. maí kl. 14:00.

Flutt verða íslensk og erlend sönglög undir stjórn Friðriks Vignis Stefánssonar.

Meðleikarar eru Vignir Þór Stefánsson á píanó, Jón Rafnsson á kontrabassa og Hilmar Sverrisson á harmonikku.

Aðgangur kr. 2.000.-

Að tónleikum loknum er tónleikagestum boðið í vorkaffi Skaftfellingafélagsins í Skaftfellingabúð, Laugavegi 178, 4. hæð. Allir velkomnir.

Svo minnum við á aðalfund félagsins sem er 10 maí kl. 20:30 í Skaftfellingabúð.

Written on 25. apríl 2012.

Aðalfundur 10. maí

Aðalfundur Skaftfellingafélagsins verður fimmtudaginn 10. maí kl. 20:30 að Laugavegi 178.

Dagskrá (áætluð).

1) Fundur settur

2) Kosning starfsmanna fundarins

3) Fundargerð síðasta aðalfundar

4) Skýrsla stjórnar

5) Reikningar félagsins

6) Skýrsla og reikningar Kvikmyndasjóðs

7) Skýrsla Söngfélags Skaftfellinga

8) Skýrsla gönguhópsins Skálmar

9) Lagabreytingar; Fundargerð síðasta aðalfundar birt á heimasíðu en ekki lesin upp á aðalfundi.

10) Húsnæðismál og framtíð félagsins

11) Stjórnarkjör

12) Önnur mál

Þeir sem hafa áhuga á að taka þátt í stjórn félagsins eru beðnir að setja sig í samband við formanninn Skúla Oddsson.

Aðrir viðburðir

Laugardaginn 5. maí kl. 14:00 eru vortónleikar í Seltjarnarneskirkju og kaffi á eftir í Skaftfellingabúð.

Laugardaginn 2. júní - Hreinsunardagur í Heiðmörk

Written on 12. apríl 2012.

Málþing um Svein Pálsson 24. apríl nk.

Umhverfisráðuneytið, í samvinnu við Landgræðslu ríkisins, Læknafélag Íslands og Mýrdalshrepp boðar til málþings um ævi og störf náttúrufræðingsins Sveins Pálssonar í tilefni af 250 ára fæðingarafmæli hans á degi umhverfisins, 25. apríl næstkomandi.

Sveinn var annálaður fræðimaður, rithöfundur, læknir og ferðagarpur sem var frumkvöðull í rannsóknum á náttúru landsins og þá sérstaklega jöklunum. Hann er talinn

meðal fyrstu Íslendinganna sem vöktu athygli á hugmyndafræði sjálfbærrar þróunar, og vegna þess var dagur umhverfisins tileinkaður honum.

Málþingið verður haldið 24. apríl 2012

í sal 132 í Öskju milli kl. 15:00 og 17:00.

Er það öllum opið og aðgangur ókeypis.

Dagskrá:

Ávarp umhverfisráðherra

Upplýsingarmaðurinn Sveinn Pálsson - Steinunn Inga Óttarsdóttir

Læknirinn Sveinn Pálsson - Ólafur Jónsson

Náttúrufræðingurinn Sveinn Pálsson - Oddur Sigurðsson

Jöklafræðingurinn Sveinn Pálsson - Helgi Björnsson

Landkönnuðurinn Sveinn Pálsson - Sveinn Runólfsson

Fundarstjóri er Elín Einarsdóttir, oddviti Mýrdalshrepps

Written on 06. mars 2012.

Skaftfellingamessa 18. mars

Sunnudaginn 18. mars kl. 14:00 næstkomandi verður haldin árleg Skaftfellingamessa í Breiðholtskirkju í Mjódd. Þar þjóna fyrir altari prestar kirkjunnar, þau séra Gísli Jónasson og séra Bryndís Malla Elídóttir. Auk þeirra er von á prestum úr Vestur-Skaftafellssýslu, þeim séra Haraldi M. Kristjánssyni og séra Ingólfi Hartvigssyni. Kirkjukórar úr Vestur-Skaftafellssýslu og Söngfélag Skaftfellinga syngja við messuna. Að venju selja félagar í Söngfélagi Skaftfellinga kirkjukaffi að lokinni messu og flytja nokkur lög.