Hagyrðingakvöld
Í tilefni sjötíu ára afmælisins verður haldið hagyrðingakvöld í Skaftfellingabúð föstudaginn, 19. nóvember 2010, kl. 20:00, undir stjórn Ómars Ragnarssonar.
Þar leiða saman hesta sína Austur‐Skaftfellingarnir Torfhildur Hólm Torfadóttir á Gerði, Halldór Þorsteinsson í Svínafelli og Vestur‐Skaftfellingarnir Heiða Guðný Ásgeirsdóttir á Ljótarstöðum og Reynir Ragnarsson í Vík. Að kveðskap loknum verður stiginn dans undir harmonikkuleik valinkunnra snillinga.
Aðgangur ókeypis, en léttar veitingar seldar.