Skaftfellingafélagið í Reykjavík

Bokakynning

Að venju var fjölmennt á aðventustund Skaftfellingafélagsins í Reykjavík, en talið er að hátt í 200 manns hafi heimsótt okkur að meðtöldum jólasveinunum síkátu og skemmtilegu.
Skúli formaður setti samkomuna og að því búnu söng Söngfélag Skaftfellinga nokkur jólalög undir stjórn Violetu Smid fyrrverandi stjórnanda til margra ára í fjarveru Friðriks Vignis Stefánssonar kórstjóra.
Bornar voru fram stórglæsilegar kaffiveitingar sem söngfélagar sáu að mestu leyti um að reiða fram.
Helena Marta Stefánsdóttir stjórnaði söng og dansi kringum jólatréð og faðir hennar Stefán Bjarnason sá að venju um undirleik á harmonikku auk sr. Einars Jónssonar sem lék á pínanóið.
Varð þetta hin besta skemmtun og undir lok stundarinnar drógu sveinarnir mandarínur upp úr pokum sínum.
Þökkum öllum innilega fyrir komuna.
       Stjórn Skaftfellingafélagsins í Reykjavík.

Steinunn Sigurðardóttir rithöfundur og Heiða Guðný Ásgeirsdóttir lesa úr bókinni Heiða-fjalldalabóndinn og Hermann Stefánsson kveður rímur Látra- Bjargar úr bók sinni Bjargræði.

Bjarni Harðarson segir frá bókinni Forystufé.

Lambið verður hátt á strái, tvítreykt í piparsósu.

Plús harmóníkuspil.

Kaffi Laugalæk, Laugalæk 2, Reykjavík. 30. nóvember, klukkan 21:00

Heida Forystufe

Núna er Skaftfellingafélagið farið í sumarfrí en við hittumst hress í haust.

Vortónleikar

Sunnudaginn 1. maí kl. 14 verða árlegir vortónleikar Söngfélags Skaftfellinga í Seltjarnarneskirkju. Flutt verða innlend og erlend sönglög undir stjórn Friðriks Vignis Stefánssonar. Að tónleikum loknum er gestum boðið til vorkaffis Skaftfellinga í Skaftfellingabúð.


Vorkaffi
Sunnudaginn 1. maí kl. 16 verður árlegt vorkaffi Skaftfellingafélagsins í Skaftfellingabúð, Laugavegi 178, eða að loknum vortónleikum Söngfélagsins í Seltjarnarneskirkju. Kaffihlaðborð verður að venju í boði söngfélaganna og Skaftfellingafélagsins.

Svo er aðalfundur 19. maí 

Sunnudaginn 13. mars 2016 kl. 14, verður árviss Skaftfellingamessa haldin í Breiðholtskirkju.

Prestarnir sr. Gísli Jónasson, prófastur og sr. Bryndís Malla Elídóttir, þjóna fyrir altari en auk þess er nú prestum og kórfólki úr Vestur-Skaftafellssýslu boðið til messunnar. Söngfélagið og kórarnir leiða saman messusöng undir stjórn organista og kórstjóra.
Söngfélag Skaftfellinga selur kaffi að messu lokinni í safnaðarheimili kirkjunnar.

Breidholtskirkja

Heimilsfang

Starfsemi félagsins fer fram í Breiðfirðingabúð Faxafeni 14.

Póst til Skaftfellingafélagsins, Söngfélags og Kvikmyndasjóðs skal senda á:

Pósthólf 9105

129.Reykjavík

Auglýsingar

heidmork

 

songfelagid

 

skalm

 

kvikmyndaklubbur

 

ftspor fors

 dynskogar