Skaftfellingafélagið

Aðalfundur - 9. maí 2023

Nánari upplýsingar: Birt 02. maí 2023

Aðalfundur Skaftfellingafélagsins haldinn
þriðjudagskvöldið 9. maí 2023, kl. 20:00, í Breiðfirðingabúð, Faxafeni 14.
Venjuleg aðalfundarstörf.

Dagskrá (áætluð)

1) Fundur settur
2) Kosning starfsmanna fundarins
3) Skýrsla stjórnar
4) Reikningar félagsins
5) Skýrsla og reikningar Kvikmyndasjóðs
6) Skýrsla Söngfélags Skaftfellinga
7) Lagabreytingar
8) Húsnæðismál og framtíð félagsins
9) Stjórnarkjör
10) Önnur mál

Vortónleikar- og kaffi - 29. apríl

Nánari upplýsingar: Birt 19. apríl 2023

Vorkaffi 2023

Skaftfellingamessa 26. mars í Breiðholtskirkju kl. 14:00.

Nánari upplýsingar: Birt 14. mars 2023

Skaftfellingamesa2023

Skaftfellingamessa verður 26. mars í Breiðholtskirkju kl. 14:00.

Sr. Bryndís Malla Elísdóttir er prestur í kirkjunni og henni til aðstoðar verða fyrrverandi prestar fyrir austan Sr. Ingólfur Hartvigsson og Sr. Haraldur Kristjánsson.

Sönfélagið mun sjá um söng ásamt félögum að austan.

Eftir messuna mun Söngfélagið verða með kaffi og tónleika í safnaðarheimilinu en dagin áður, 25. mars verður sönfélagið 50 ára !

OG svo muna eftir Skaftfellingaballinu 31 mars.

Skaftfellingaball

Myndakvöld 9. mars

Nánari upplýsingar: Birt 25. febrúar 2023

Fimmtudagskvöldið 9. mars munu Páll Imsland jarðfræðingur og Lilja Magnúsdóttir íslenskufræðingur og kennari sína myndir í Breiðfirðingabúð Faxafeni 14.

Myndsýning Páls kallast; Náttúran, stór og smá - litir, ljós og líf.

Myndasýning Lilju kallast; Sögur og myndir úr Eldsveitunum.

Lilja segir frá efni af vefnum Eldsveitir.is og sýnir myndir úr safninu Myndspor. Sögur af lífinu á Klaustri, göldróttum presti á Hörgslandi, sjóblautum draugum í Meðallandi, björgun strandmanna, grasakonu á Kálfafellskoti, listamönnum og náttúruhamförum. Einnig sagt frá og sýndar ljósmyndir úr ferð um Fjallabakleið fyrir 90 árum þar sem Munda frænka er ein kvennanna.

GR01

Skaftfellingamessa verður 26. mars.

Svo verður dansleikur með Grétari Örvars 31. mars. Munið eftir að taka kvöldið frá.

Kvískerjasjóður auglýsir eftir umsóknum um styrki

Nánari upplýsingar: Birt 15. janúar 2023

Kvískerjasjóður auglýsir eftir umsóknum um styrki fyrir árið 2023.

Horft verður sérstaklega til umsókna sem tengjast störfum og áhugasviði Kvískerjasystkina.

Umsóknum skal fylgja:

• Greinargóð lýsing á verkefninu og markmiðum þess.

• Tímaáætlun, sem gerir grein fyrir framvindu verkefnisins.

• Upplýsingar um helstu samstarfsaðila.

• Fjárhagsáætlun verkefnisins, fjárhæð sem sótt erum og upplýsingar um framlag samstarfsaðila.

• Áform um kynningu á niðurstöðum verkefnisins.

Umsóknarfrestur er til 28. febrúar nk. og skal umsóknum skilað á rafrænu formi til ritara sjóðsstjórnar, Þórunnar Elfu Sæmundsdóttur hjá umhverfis-, orku- og loftslagsráðuneyti, merktar Kvískerjasjóður, á netfangið: This email address is being protected from spambots. You need JavaScript enabled to view it.

Áætlað er að tilkynna um styrkveitingar fyrir lok mars og verður öllum umsóknum svarað.

Nánari upplýsingar veitir Hafdís Roysdóttir formaður sjóðsstjórnar í síma: 845 4559 eða á netfangi: This email address is being protected from spambots. You need JavaScript enabled to view it.

Kvískerjasjóður var stofnaður af umhverfisráðuneytinu, til heiðurs systkinunum á Kvískerjum í Öræfum, fyrir framlag þeirra til öflunar þekkingar og rannsókna á náttúru og sögu Austur-Skaftafellssýslu. Hlutverk sjóðsins er að stuðla að og styrkja rannsóknir á náttúrufari og menningarminjum í Austur-Skaftafellssýslu með veitingu rannsóknarstyrkja til einstaklinga, félagasamtaka og stofnana.

Nánari upplýsingar um Kvískerjasjóð og störf hans er að finna á www.kviskerjasjodur.is